Badiourena, beraz, militantearen filosofia politikoa da, euskal askapen prozesu auto-zentratua eta integrala erregaitzen duen fideltasuna, konpromisoa eta duintasun militantea ospatzeko erabilgarria (bultzada unibertsala, jarduera intelektuala eta diziplinaren balioa lantzeko irizpideak eskaintzen dituelarik).

Badiou, izan ere, askapen mugimenduaren zein ezker independentistaren oinarri militantea hedatzeko eta aberasteko lagungarria baita, eztabaida sustatuz gain eztabaidagaien esparruak eremu ez guztiz ohikoetara irekiz maitasunaren, artearen, zientziaren eta politikaren eremu zabal eta maiz, ez beti, elkarlotuetan. Alta, zinez kritikoa izan ezean, edozein ospakizun alperrikakoa da.

Proiektu honetan argira emango diren materialak, idatziak zein ikus-entzunezkoak, itzulpenak, elkarrizketak, ariketak… nahas-mahas agertuko dira, datorrena datorrela, nahiz eta, zehazki, hiru sail nagusitan banatuta (Badiourenak | Besteenak | Gureak), betiere dimentsio didaktikoari eta dialektikoari erreparatuz.

Parte hartu nahi baduzu, bidali mezua kaixo@badiouetagu.eus
e-mailera edo bete galdetegia: